هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال ليهم: وا لا! خاصنا نسدو هاديك الحفرة...
ونحفروا وحدة أخرى قدام السبيطار
واحد مبوق قاعد قدام التلفزة وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو
هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي
واحد دخل لدارو باغي غير يجبد الصداع مع مرتو
ما لقى منين يشدها، شاف حتى عيا وهو يقول ليها: فين الغبرة اللي كانت فوق الطبلة؟
قالت ليه: علاش اشنو بغيتيها؟
قال ليها: كنت كاتب عليها النمرة ديال صاحبي
